مشاكل التعدين في مصر

القوانين .. لان القانون الي بنشتغل بيه دلوقتي بيادي الى تداخل الاختصاصات واهدار المال

بردو القوانين .. ليه؟! لان القانون الي بنشتغل دلوقتي بردو بيادي الى تعدد جهات الادارة من تخطيط وتنفيذ ورقابة ومتابعة

طب ايه هوالقانون ؟!هو قانون رقم 86 سنة 1956

القانون ده وما تبعه من قرارات وزارية زي قرار الوزاري سنة 1962 والقرار رقم 38 لسنة 1964ادى الى سحب الاختصاصات من هيئة المساحة الجيولجية و هي الهيئة المختصة بالاكتشاف واصدار تراخيص التنقيب وكل ماهو له علاقة بالثروة المعدنية وادها للمحافظين والمحليات هما الي بقوا يدوا التراخيص البحث والاكتشاف والنقيب وبالتالي بقا في عندنا اكتر من جهة بتدي التراخيص واكتر من جهة بتدير العملية ككل

طب وايه المشكلة؟!

المشكلة انه هنا في تبديد للثورة المعدنية لانه الجهات دي مش جهات ذات اختصاص وكمان العائد المادي نفسه بيدخل للصناديق الخاصة ودي دهاليز الداخل فيها مفقود ومفيش خارج منها

يعني الخزانة العامة مابيدخلهاش من الفلوس دي حاجة

المشكلة التانية ان الكلام ده مش دستوري لان الثورة دي ملك الشعب كله مش ملك المحافظة او المجلس المحلي ومش ملكنا لوحدنا كمان دي ملك الاجيال الجاية والي بيحصل دلوقتي حرام لانه تبديد لثروتنا وثروة ولدنا

مش مصدق .. طب خد عندك الارقام دي:

منجم السكري من اكبر مناجم الدهب في مصر .. الاحتياطي بتاعه 15 مليون اوقية بما يعادل 14 مليار دولار .. وتم انتج 20 طن بالفعل.. والمفروض انه هينتج 600 الف اوقية في السنة .. المنجم ده البلد بتاخد حاجة اسمها اتاوة بما يعادل 3 % مع انه عالميا الاتاوة مش اقل من 7 % ونصيب مصر من الانتاج مش اكتر من 50 % مع انه المعمول بيه عالميا ان الدولة بتاخد مش اقل من 65% من الانتاج

وخد دي عندك كمان .. في شركة استرالي اسمها “جبسلاند” ودي بستكشف عن الدهب والنحاس خدت بالامر المباشر مش بمزايدة حق الاستكشاف في 9 مناطق بمساحة 16 كيلو متر من غير ما تعرض الصفقة على الشئون القانونية بالهيئة او مجلس الدولة او مجلس شعب .. كدا هووو!

المشكلة التالته هي تصدير المعادن في حالتها الخام .. يعني بتصدر المعدن من ما تدخله في التصنيع عندك وكمان حالتها الخام مش كويسة يعني الجودة منخفضة

عندنا مشكلة في البنا التحتية وخاصة المواني الي بنصدر منها الخام وده مش مدي فرصة ان الخام المصري ينافس عالميا لضعف الجودة

من المشاكل الي فاتت اتاكدنا كدا ان في كمان مشكلة فساد في منح التراخيص وعقود الاستغلال

كمان حالة العامل في المجال سيئة جدا من ناحية الاجور و الوضع الاجتماعي

من كل الي فات اتاكدنا ان احنا قدام مشكلة اهدار قيمة هيئة المساحة الجيولجية واحتقار دورها رغم عراقة الهيئة الي اتاسست سنة 1896

في خلط كمان بين دور الهيئة الخدمي والسيادي والاستراتيجي

وطبعا انت لو موظف فيها وشفت حال الهيئة كدا مش هتعرف تقدر اهميتها وقدرتها ومقوماتها وده مش هيخليك تشتغل بالهمة والارادة المطلوبة ويضعف انتاجك

في مشكلة تانية وهي غياب المعلومات وعدم الشفافية .. يعني انا لو معايا قرشين وعندي خبرة في المجال وعايز استثمر فيه مش هيبقى عندي المعلومات الكافية الي تخليني ابتدي في المشروع بتاعي ” خاصة المستثمر الصغير”

 

طب وايه الحل

الحل انك تغير القانون ده وفورا .. لانه هو الي اعطى الفرصة لكل الجهات الغير معنية انها تدي بالامر المباشر حق الكشف والتنقيب عن ثروتنا من لا رقيب ولا ظابط

طب وده هيفيد ؟؟ طبعا هيفيد طب خد عندك الارقام دي وانت تعرف اد ايه احنا محتاجين تغيير القانون

الدخل عند المشاركة في الانتاجبالمليون جنيه الدخل بعد تعديل القانون دخل الخزانة الانتاج بالطن الخام
800 77800000 3890 فوسفات
200 32775000 لاشيء 3321 حديد
23 2324000 لاشيء 332 كاولين
445 151456000 لاشيء 18932 فلسبار
0.4 8000 لاشيء 1000 فلوسبار
35 1608000 لاشيء 201000 كوارتز
60 3600000 كمية متوقعة = 0.6 مليون طن فحم
40 5364000 1341 نبتونيت
2300 697220000 232,440,000 رمال
220 3150000 630,000 رمل زجاج
2800 5100000000 300,000,000 حجر جيري
12 1365000 273,000 حجر جيري صلب
20 4185000 1,395,000 حجر رملي
300 52320000 120,000,000 طفلة
260 32684000 1,308,000 جبس
240 32684000 8,171,000 زلط وتربة زلطية
7.755 مليار جنيه 2.9 مليار جنيه 15.2 مليون جنيه الاجمالـــــــــــــــــــــــــــــــــي

 

يعني بالبلدي كدا نرجع الاختصاصات لهيئة المساحة الجيولجية ونشارك في الانتاج هتتدخل لخزينة الدولة وفورا 7.755 مليار جنيه بعد مكان كل الي داخل هما 15.2 مليون جنيه .. احسبوا بقا انتوا الفرق علشان انا بغلط في الحساب

 

 

2-كمان لازم تحل مشكلة البيروقراطية المفرطة .. عن طريق استخدام نظام الشباك الواحد .. يعني متبقاش مستثمر وجاي تضخ فلوس في البلد وعلشان تخلص اجراءات تلف كعب داير على كل مصالح البلد علشان اختام وامضاءات و دمغات

3- كمان انت لازم تتيح له المعلومات بمنتهى الشفافية والنزاهة وكمان لازم تشجعه على عمليات البحث باستخدام التكنولوجيا المتقدمة .. وكمان نمدعم مراكز المعلومات وننشرها بطول محفظات مصر

4- انشاء شركات خدمية وسيطة تستقبل الخام وتشتغل على تنقيته وتركيزه لضمان جودته وبكدا نرفع القيمة المضافة وبنثبت مواصفات الخام المصري

5- تشجيع الاستثمارات الصغيرة ولازم الدولة تدعمها وتعينها

6- لازم نهتم بعملية تسويق المنتج من الخام المصري والترويج له محليا وعالميا

7- تشجيع واتاحة الحصول على الدرسات والتدريب والابحاث العلمية بدون مقابل لصغار المستثمرين

8- دعوة البنوك المصرية والعربية على ضخ اموال للاستثمار في المجال

9- دعم التدريب على حرف التعدين .. يعني من الاخر لازم ندعم التدريب المهني في المجال ده للشباب وكمان لاصحاب الخبرة في المجال ده بس على التكنولوجيا المتقدمة