و ان صاحب الشغل يرفد العامل في أي وقت و اللي بيساعده في ده شويه قوانين ظالمه دايما بتيجي في صف صاحب الشغل و عمرها ما نصفت العامل ابدا .. زي قانون العمل 12 لسنه 2003 و ده اصلا عكس كل الاتفاقيات اللي بتحافظ علي حقوق العمال و اللي مصر فعلا مضت عليها مثلا زي وثيقه الحقوق الاقتصاديه و الاجتماعيه ….

القانون ده في الاخر اتسبب في رفد اكتر من 675 عامل نقابي في عهد مرسي و 65 عامل في اخر 5 سنين في حكم مبارك

القوانين اللي من النوع ده اتسببت في قطع عيش عمال كتير و بدون ذنب و ما بقوش قادرين علي تلبيه احتياجات بيوتهم الاساسيه من فلوس و اجارات و علاج و غيره

عشان كده لازم كل القوانين اللي تخص العمال تراعي كل الاتفاقيات اللي بتراعي حق العامل و اللي مصر فعلا مضت عليها .