سواء كنت انت موظف او على المعاش اوخالي شغل او مواطنة و بتعول او حتى تاجر أو مستثمرفإنت ليك الحق في دخل ثابت

البرنامح الاقتصادي: ده هيصب في مصلحتك في الأول وفي الأخر إزاي؟؟

أولا: لو انت موظف: إحنا هدفنا نقلل معدل التضخم إلي هو ان فلوسك اللي بتقبضها أخر كل الشهر فعلا تكفي مصروفات حياتك الكريمة.

  1. حد ادني للأجور 2000 جنيه شهريا

  2. الحد الادني ده هانرجعه سنويا عشان نتأكد انه كفاية وهانزوده في حدود زيادة الأسعار

  3. حد أقصى للأجور

  4. هتاخد حقك في المرتب اللي كنت المفروض تقبضه بس النظام اللي فات واللي قبله كانوا بيسرقوه منك

  5. نظام التأمينات هايبقي موازي للحد الادني للأجر بتاعك تضمن حياة كريمة بعد خروجك للمعاش

  6. هانطور منظومة الطاقة والخبز وده أول حاجه هنعملها عشان تقتدر تشتري عيش بسهولة وتقدر تلاقي غاز أو بوتجاز بسهولة بسعرهم الحقيقي بعيد عن السوق السودة.

ثانياُ لو انت على المعاش:

  1. هانربط المعاش الشهري بتاعك بالحد الادنى للأجور إلي هايتم مراجعته سنويا للتأكد أنه متماشي مع الأسعار.

  2. كل السنين اللي فاتت هاتاخد حقك عنها لأن كل السنين اللي فاتت كنت بتاخد 6-8 % عن إجمالي فلوس التأمينات بتاعتك رغم ان حقك من 12-14 % وهانرد ليك قلوسك على أقساط كل شهر.

  3. هاتستفيد من تطوير منظومة الخبز والطاقة عشان بسهولة تعرف تشتري العيش وتلاقي غاز طبيعي أو بوتجاز بسعره الخقيقي بعيد عن السوق السوده؟

ثالثاُ لو انت عاطل أو سواء معيله ماتقدرش تسيب البيت وتشتغل:

  1. هانوفر إعامة بطاله قدرها 1500 جنيه في الشهر بالإضافة لبرنامج تدريب مكثف في خلال 9 شهور عشان نساعدك تلاقي شغل مناسب لمؤهلاتك وقدراتك

  2. الدولة هاتساعد على القضاء على الممارسات الاحتكارية في سوق العقارات عشان تلاقي سكن مناسب لدخلك الشهري.

  3. بالتسبة للمرأه المعيله اللي متقدرش تسيب البيت هايكون من حقك راتب شهري 1500 جنيه وهانرجعه سنوياً عشان تتأكد ان متماشي مع الأسعار وهانذوده عند الحاجة.

رابعاً لو انت تاجر أو مستثمر:

اوعي تفتكر انك هاتتضر من الإصلاحات دي اطلاقا بل بالعكس انت هاتستفيد اكتر إزاي بص

  1. الإصلاحات دي بتهدف بإصلاح الجهاز الإداري للدولة يقضي كل البيروقراطية والاجراءات المعقدة اللي بتواجهك وانت بتعمل أي تعامل مع الدولة هاتكون سهلة وميسره وبكده هنقلل الوقت والمجهود وتستفيد بيه في مراعاة تجارتك أو أعمالك وده حقك.

  2. كل الرشاوي والاكراميات اللي كنت بتدفعها غصب عنك عشان تنتهي بيها أعمالك واوراقك مش هتضطر تدفعها وتستفيد انت بيها في أعمالك ويبقي ضميرك مستريح.

  3. هاتستفيد من تكافؤ الفرص اللي هايبقي موجود في سوق العمل الأولوية للأكفاء مش للي بيدفع أكتر.

  4. كل قرش هاتحطه في سوق العمل هاتبقي قادر تسحب العائد بتاعك زده عن طريق تقليل حجم المخاطر المالية وتوحيد السياسات المالية للدولة وبكده بيبقي الاستثمار والتجارة أسهل.